जुन्या वाहनांसाठी हाय सिक्युरिटी नंबरप्लेट बंधनकारक; ३१ मार्च अंतिम मुदत
मुंबई – आता जुन्या वाहनांनाही हाय सिक्युरिटी रजिस्ट्रेशन प्लेट (HSRP) बसवणे बंधनकारक करण्यात आले आहे. या नियमाची अंमलबजावणी करण्यासाठी ३१ मार्चपर्यंत मुदत देण्यात आली आहे. यानंतर वाहनधारकांनी ही प्लेट बसवली नसेल, तर त्यांच्यावर कारवाई होण्याची शक्यता आहे.
२०१९ पूर्वीच्या वाहनांसाठी नियम अनिवार्य
१ एप्रिल २०१९ पासून बाजारात येणाऱ्या सर्व नव्या वाहनांसाठी हाय सिक्युरिटी नंबरप्लेट अनिवार्य करण्यात आली होती. मात्र, आता २०१९ पूर्वी नोंदणीकृत असलेल्या सर्व दुचाकी, चारचाकी आणि व्यावसायिक वाहनांनाही ही प्लेट बसवावी लागणार आहे. वाहन मालकांनी लवकरात लवकर ही प्रक्रिया पूर्ण करावी, असे आवाहन आरटीओने केले आहे.
एचएसआरपी म्हणजे काय?
ही अत्याधुनिक सुरक्षा यंत्रणेसह तयार केलेली नंबरप्लेट असून, ती होलोग्राम स्टिकर आणि इंजिन व चेसिस क्रमांकासह येते. या प्लेट्स प्रेशर मशिनद्वारे तयार केल्या जातात, त्यामुळे त्याची कॉपी करता येत नाही किंवा बनावट प्लेट बनवता येत नाही. चोरी किंवा गैरवापर टाळण्यासाठी ही प्लेट एकदा तुटली की पुन्हा जोडता येत नाही.
नंबरप्लेटसाठी शुल्क किती?
राज्यात तीन खासगी एजन्सीमार्फत या नंबरप्लेट बसवण्याची सोय करण्यात आली आहे. नागरिकांनी ऑनलाइन प्रक्रिया किंवा अधिकृत केंद्रांवर जाऊन ही सेवा घेऊ शकतात.
जनजागृतीची गरज
३१ मार्चनंतर या नियमाचे पालन न करणाऱ्या वाहनांवर कारवाई होणार का, याबाबत स्पष्टता नाही. मात्र, नागरिकांना पुरेसा वेळ मिळावा आणि भविष्यातील अडचणी टळाव्यात, यासाठी आरटीओने व्यापक जनजागृती करण्याची आवश्यकता आहे.
(अधिक माहितीसाठी अधिकृत आरटीओ संकेतस्थळावर संपर्क साधावा.)
