Pune crime : दारूसाठी पैसे दिले नाही म्हणून रामटेकडी येथे तरुणाचा दगडाने ठेचून खून
पुणे : पुण्यात एका कुख्यात गुंडाचा मध्यरात्री दगडाने ठेचून खून करण्यात आल्याची घटना घडली आहे. या घटनेमुळे पुणे शहरात मोठी खळबळ माजली आहे. रामटेकडी परिसरातील वंदे मातरम चौकात मध्यरात्री ही हत्या झाली.
गुंडाचं नाव राजू शिवशरण आहे. वानवडी पोलिसांनी या प्रकरणाची नोंद घेतली असून पाच जणांना ताब्यात घेतलं आहे. या हत्येचं कारण शोधण्यासाठी अधिक तपास सुरू आहे.
मिळालेल्या माहितीनुसार, राजू शिवशरण रामटेकडी परिसरात गुंडगिरी करत होता. वंदे मातरम चौकात टोळक्याने राजूची दगडाने ठेचून हत्या केली आहे. या घटनेत पाच संशयितांना ताब्यात घेण्यात आलं आहे. शिवशरणचा पाठलाग करून त्याचा खून करण्यात आला आहे.
राजू शिवशरणवर तडीपारीची कारवाई झाली होती. २०२२ ते २०२३ या कालावधीत तो तडीपार होता. आता पुण्यात एका टोळक्याने त्याची हत्या केल्याने पुन्हा गँगवॉरची शक्यता वर्तवली जात आहे. दरम्यान, राजू शिवशरणचा खून नेमका का झाला, याबाबत पोलिस तपास करत आहेत.
