खळबळजनक : लोणावळा भुशी डॅम जवळ पिकनिकला आलेल्या एकाच कुटुंबातील पाच जण वाहून गेले : हडपसर, सय्यदनगर परिसरातील कुटुंबावर शोककळा (watch video)
लोणावळा : वर्षासहलिसाठी लोणावळ्यात आलेल्या ६ पर्यटकांचा भुशी डॅमच्या बॅक वॉटरमध्ये बुडून मृत्यू झाल्याची दुर्दैवी घटना घडली आहे. स्थानिक पोलिसांनी त्वरित घटनास्थळी जाऊन शोधमोहीम सुरु केली, ज्यामध्ये ३ मृतदेह सापडले. शिवसेना पुणे शहराचे प्रमुख प्रमोद नाना भानगिरे यांच्या निर्देशानुसार एकनाथ शिंदे फाउंडेशनच्या स्वयंसेवकांचे पथक मदतकार्यासाठी तत्काळ उपस्थित झाले.
पहा व्हिडिओ
Link source: Maharashtra mirror
पर्यटनासाठी आलेल्या एका कुटुंबातील ५ सदस्य भुशी डॅममध्ये वाहून गेल्याची घटना रविवारी दुपारी साडे बाराच्या सुमारास घडली. वर्षाविहारासाठी आलेले हे अन्सारी कुटुंब हडपसर, सय्यदनगर मधून आले होते आणि डोंगरातील वॉटर फॉलमधून वाहून गेले.
घटना समजताच स्थानिक पोलिसांनी तत्काळ घटनास्थळी धाव घेतली आणि बुडालेल्या व्यक्तींचा शोध सुरु केला. या शोधमोहिमेत ३ मृतदेह सापडले आहेत आणि २ अद्याप बेपत्ता आहेत. बुडालेल्या व्यक्तींची नावे शाहिस्ता परवीन (४०), अमीन अन्सारी (१३), मारिया अन्सारी (६), हुमेरा अन्सारी (६) आणि अदनान अन्सारी (६) अशी आहेत.
