येरवडा: शहीद अब्दुल हमीद उर्दू प्राथमिक विद्यालयाचा वार्षिक स्नेहसंमेलन सोहळा उत्साहात
येरवडा │ स्थानिक पातळीवर उत्कृष्ट शैक्षणिक कामगिरीसाठी ओळखले जाणारे शहीद अब्दुल हमीद उर्दू प्राथमिक विद्यालय येथे वार्षिक स्नेहसंमेलन व बक्षीस वितरण समारंभ उत्साहात पार पडला. दरवर्षी १०वी आणि १२वीचे १००% निकाल देणारे हे विद्यालय यंदाही विद्यार्थ्यांच्या कला व गुणांना वाव देण्यासाठी विविध स्पर्धांचे आयोजन करण्यात आले होते.
लोकशाहीर अण्णाभाऊ साठे रंगमंदिर येथे आयोजित या कार्यक्रमास पालक, विद्यार्थी, शिक्षक तसेच प्रभागातील अनेक सामाजिक कार्यकर्त्यांची मोठी उपस्थिती होती. विद्यार्थ्यांच्या गुणवत्तापूर्ण सहभागाचे कौतुक करत आम आदमी पार्टीच्या महिला उपाध्यक्षा व येरवडा-गांधी नगर प्रभागाच्या उमेदवार सौ. श्रद्धा मनोज शेट्टी यांच्या हस्ते विद्यार्थ्यांना ट्रॉफी व प्रमाणपत्रांचे वितरण करण्यात आले.
या कार्यक्रमासाठी विशेष निमंत्रण देणारे मार्गदर्शक मा. श्री. एजाज खान यांचे विद्यालय व्यवस्थापन व उपस्थित मान्यवरांनी मनापासून आभार मानले.
कार्यक्रमातून विद्यार्थ्यांना प्रोत्साहन मिळून त्यांची बहुआयामी प्रगती अधिक वेगाने घडेल, असा विश्वास व्यक्त करण्यात आला.
