Pune Crime: कोयत्या गॅंगची दहशत, पैश्यांच्या वादातून दुकानदारावर हल्ला, पुण्यातील संजय पार्क येथील घटना (Watch Video)
Pune Crime: पुणे नेमकं चाललं तरी काय? कधी कोयत्या गॅंगची दहशत तर कधी अपघाताची मालिका तर चोरी अश्या घटना दिवसेंदिवस वाढत आहे. आता तर अवघ्या 50 रुपयांसाठी बेदम मारहाण केल्याची धक्कादायक घटना समोर आली आहे.
ही घटना सीसीटीव्ही कॅमेऱ्यात कैद झाली त्यामुळे घटना समोर आली आहे. पुण्यातील विमानतळाजवळील संजय पार्क येथे ही घटना घडली. व्हिडिओ दिसल्याप्रमाणे, तीन आरोपींनी दुकानाची तोडफोड करत आहे.
मिळालेल्या माहितीनुसार, संजय पार्क जवळील एका दुकानाची तोडफोड केल्याचा धक्कादायक व्हिडिओ व्हायरल झाला आहे. व्हिडिओत दिसल्याप्रमाणे, काही बदमाश्यांनी दुकानाची तोडफोड करत दुकान मालकाला बेदम मारहाण केली. या घटनेनंतर पोलिसांना गुन्ह्याची माहिती देण्यात आली. किराणा दुकानात बिल न भरल्यामुळे हा वाद सुरु झाला होता. पोलिसांनी या प्रकरणी तिघांवर गुन्हा दाखल केला. आरोपींनी रात्रीच्या वेळीस कोयता, लोखंडी रॉड घेऊन दुकानावर हल्ला केला. दुकानदाराला मारहाण करत धमकावले. या घटनेत दुकानाचे भरपूर नुकसान केले. दुकानदाराने पलटवार केल्यानंतर हल्लेखोर घटनास्थळावरून फरार झाले.
पाहा व्हिडिओ
इंदिरानगर बन्सीला लोहगाव रोडवरील सत्य शासकीय महाविद्यालयाजवळ असलेल्या जगदंबा प्रोव्हिजन किराणा दुकानात ही घटना घडली. या प्रकरणी पोलिसांनी तिघांवर 25 जुलै रोजी गुन्हा दाखल केला. अनिल ओवावे (19), गौरव साठे (21), साहिल शेख (19) अशी आरोपींची नावे समोर आली आहेत. पुणे पोलिस घटनेचा तपास सुरु करत आहे.
