SIM Card Rule: रिचार्ज न केल्यास किती दिवस सिम कार्ड अॅक्टिव्ह राहते?
SIM Card active without recharge: मोबाईल फोन युजर्ससाठी व्हॅलिडिटी ही खूप महत्त्वाची असते. भारतातील प्रमुख टेलिकॉम कंपन्या जसे की, जिओ, एअरटेल आणि बीएसएनएलने आपले सिम कार्ड अॅक्टिव्ह ठेवण्याच्या नियमांत अनेक बदल केले आहेत.
या नियमांनुसार, युजर्सला आपले सिम कार्ड अॅक्टिव्ह ठेवण्यासाठी नियमितपणे रिचार्ज करणे आवश्यक आहे. हे बदल युजर्सला चांगली सेवा देण्यासाठी आणि नेटवर्क सुधारण्याच्या उद्देशाने केले आहेत. आज आपण या नियमांबाबत सविस्तर जाणून घेऊयात.
टेलिकॉम कंपन्यांसाठी भारतीय बाजारपेठ खूप मोठी ग्राहकपेठ आहे. भारतातील मोबाईल युजर्सची संख्या खूपच मोठी आहे. त्यामुळे युजर्सला आपल्याकडे आकर्षित करण्यासाठी टेलिकॉम कंपन्यांमध्ये एक प्रकारे शर्यत लागलेली असते. यामुळेच टेलिकॉम कंपन्या युजर्ससाठी विविध प्रकारचे रिचार्ज प्लान्स लॉन्च करत असते ज्यामध्ये मिळणारे बेनेफिट्स वेगळे असतात, त्याची किंमत वेगळी असते तसेच त्याची व्हॅलिडिटी सुद्धा वेगळी असते.
रिचार्ज न केल्याने सिम कार्ड किती दिवस अॅक्टिव्ह राहते, कोणते रिचार्ज आवश्यक आहे आणि या नियमांचा तुमच्यावर कोणता परिणाम होतो जाणून घेऊयात…
जिओचे नियम काय?
कमीत कमी रिचार्ज – जिओ युजर्सला प्रत्येक 90 दिवसांत कमीत कमी 99 रुपयांचा रिचार्ज करावा लागेल.
अॅक्टिवेशन पीरियड – सिम कार्ड रिचार्ज केल्याशिवाय अधिकाधिक 180 दिवसांपर्यंत सिम कार्ड अॅक्टिव्ह राहते.
इन्कमिंग कॉल्स – रिचार्ज केल्यावर 90 दिवसांपर्यंत इन्कमिंग कॉल्स सुरू राहतात.
आऊटगोईंग कॉल आणि डेटा या सेवा केवळ रिचार्ज आणि व्हॅलिडिटीपर्यंत उपलब्ध असतात.
प्राईम मेंबरशिप – जिओच्या प्राईम मेंबरशिप होल्डर्सला 30 दिवसांचा अतिरिक्त काळ मिळेल. यामध्ये इन्कमिंग कॉल्स मिळतील.
एअरटेलचे नियम
कमीत कमी रिचार्ज – एअरटेल युजर्सला प्रत्येक 90 दिवसांत कमीत कमी 109 रुपयांचे रिचार्ज करावे लागेल.
आऊटगोईंग कॉल आणि डेटा – या सेवा केवळ रिचार्जची व्हॅलिडिटी असेपर्यंत सुरू असतील.
Thanks Program: एअरटेलच्या लॉयल कस्टमर्सला थँक्स प्रोग्राम अंतर्गत 45 दिवसांसाठी अतिरिक्त वेळ मिळतो.
या नियमांनतर कंपन्या आपल्या नेटवर्कला आणखी चांगले बनवण्यासाठी युजर्सला अधिकाधिक चांगल्या सेवा देण्याचा प्रयत्न करत आहेत.
