पिंपरी-चिंचवड पोलिस आयुक्तालयात वरिष्ठ निरीक्षकांच्या अंतर्गत बदल्या; आयुक्त विनयकुमार चौबे यांची आदेशावर तत्काळ अंमलबजावणी
पिंपरी-चिंचवड, प्रतिनिधी –
पिंपरी-चिंचवड पोलिस आयुक्तालयात वरिष्ठ पोलीस निरीक्षकांच्या अंतर्गत बदल्यांची नोंद झाली असून, एकूण तीन अधिकाऱ्यांची नवीन नियुक्ती करण्यात आली आहे. पोलीस आयुक्त विनयकुमार चौबे यांनी यासंदर्भात आदेश जारी केले आहेत.
बदल्यांनुसार खालील नियुक्त्या करण्यात आल्या आहेत –
शत्रुघ्न माळी, वरिष्ठ पोलीस निरीक्षक, यांची निगडी पोलीस ठाण्यावरून वाकड पोलीस ठाण्यात बदली करण्यात आली आहे.
जितेंद्र कोळी, जे यापूर्वी विशेष शाखेत कार्यरत होते, त्यांची सांगवी पोलीस ठाण्यात बदली करण्यात आली आहे.
तर, महेश बनसोडे, जे सांगवी पोलीस ठाण्यात कार्यरत होते, यांच्याकडे आता निगडी पोलीस ठाण्याची जबाबदारी सोपविण्यात आली आहे.
या अंतर्गत बदल्यांमुळे तीनही पोलीस ठाण्यांमध्ये प्रशासनिक स्वरूपाची पुनर्रचना होणार आहे. शहरातील कायदा व सुव्यवस्थेचा कार्यक्षमतेने अंमल राखण्यासाठी पोलिस विभागाकडून नियमित स्वरूपात अशा प्रकारच्या बदल्या केल्या जातात, असे वरिष्ठ सूत्रांकडून सांगण्यात आले.
या बदल्यांनंतर संबंधित अधिकारी लवकरच नवीन कार्यभार स्वीकारतील, अशी माहितीही पोलीस आयुक्तालयाने दिली आहे.
