मोफत पीठ गिरणी योजना सुरू; ग्रामीण तसेच शहरी महिलांसाठी सुवर्णसंधी, अर्ज सुरू

पुणे : राज्य सरकारने ग्रामीण  महिलांसाठी मोफत पीठ गिरणी योजना जाहीर केली असून महिलांना घरबसल्या व्यवसाय सुरू करण्याची मोठी संधी उपलब्ध झाली आहे. या योजनेअंतर्गत महिलांना १०० टक्के अनुदानावर पीठ गिरणी देण्यात येणार आहे. विशेष म्हणजे लाभार्थींना एकाही प्रकारचा आर्थिक बोजा उचलावा लागणार नाही.

योजनेचा उद्देश

या योजनेमुळे महिलांना घरबसल्या स्वतःचा व्यवसाय सुरू करण्याची संधी मिळणार असून आर्थिक स्वावलंबनाला चालना मिळणार आहे. यामुळे ग्रामीण व शहरी भागातील महिलांच्या उत्पन्नात वाढ होऊन त्यांचा आर्थिक स्तर उंचावण्याचा सरकारचा प्रयत्न आहे.

योजनेचे फायदे

१०० टक्के अनुदानावर पीठ गिरणी उपलब्ध

घरच्या घरी गहू दळून व्यवसाय सुरू करण्याची संधी

महिलांना स्वतःच्या पायावर उभे राहण्याची संधी

गरीब व गरजू महिलांना प्राधान्य

रोजगार निर्मिती व आर्थिक स्थितीत सुधारणा


पात्रता व अटी

अर्जदार महिला महाराष्ट्रातील रहिवासी असावी

वय १८ ते ६० वर्षांच्या दरम्यान असावे

कुटुंबाचे वार्षिक उत्पन्न १ लाख २० हजारांपेक्षा कमी असावे

घरातील कोणीही आयकरदाते नसावेत

मागील ३ वर्षांत अशा प्रकारच्या योजनेचा लाभ घेतलेला नसावा

बँक खाते आधारशी लिंक असणे आवश्यक


आवश्यक कागदपत्रे

निवास प्रमाणपत्र, उत्पन्नाचा दाखला, राशन कार्ड, आधारशी लिंक मोबाईल नंबर, बँक खात्याचा तपशील, पासपोर्ट साइज फोटो आणि लाईट बिलची प्रत.

अर्ज प्रक्रिया

योजनेसाठी इच्छुक महिलांनी ग्रामपंचायत, पंचायत समिती, जिल्हा परिषद किंवा CSC केंद्रात जाऊन अर्ज करावा. समाजकल्याण विषय समितीकडून लाभार्थ्यांची निवड केली जाणार आहे.

महिलांसाठी मोठा दिलासा

या योजनेमुळे महिलांना घरबसल्या आर्थिक उत्पन्न मिळणार असून, सोलर चक्कीच्या माध्यमातून वीज खर्चातही बचत होणार आहे. त्यामुळे महिलांना स्वावलंबन, रोजगार निर्मिती आणि स्थिर उत्पन्नाचा आधार मिळणार आहे.


—