पुणे शहरः पुण्यातील धानोरी परिसरात भीषण अपघात वेगाने धावणाऱ्या चारचाकीने रिक्षाला दिली जोराची धडक, पहा व्हिडिओ
पुण्यात कल्याणीनगर अपघाताची (Kalyani Nagar Porsche Accident Case) पुनरावृत्ती झाली आहे. मद्यधुंद चालकाने आलिशान कार बेदरकारपणे चालवत रिक्षाला धडक देण्याचा प्रकार धानोरी (Dhanori पोलिसांकडून गुन्हा दाखल करण्याचे काम सुरू आहे. काल रात्री १२.३० वाजता हा अपघात घडला.
मिळालेल्या माहितीनुसार, रिक्षाचालक आणि त्याचे कुटुंबातील काही सदस्य हे धानोरी भागात आईस्क्रीम घेण्यासाठी थांबले होते. या दरम्यान भरधाव वेगात आलेल्या चारचाकीने रिक्षाला मागून जोरात धडक दिली. या अपघातात रिक्षातील रिक्षा चालकासह २ जणं जखमी असून जवळच्या रुग्णालयात त्यांना दाखल करण्यात आले आहे. यांची प्रकृती स्थिर असून त्यांच्यावर उपचार सुरू आहेत.
पहा व्हिडिओ
दरम्यान, ज्या तरुणाच्या हातून हा अपघात घडला तो पोलिसांच्या ताब्यात असून वैद्यकीय चाचणीसाठी त्याला रुग्णालयात दाखल केले आहे. रिक्षा चालक आणि त्याच्या कुटुंबीयांचा जबाब नोंदवण्यात येत असून पोलिसांकडून गुन्हा दाखल करण्याचे काम सुरू आहे.
